1-июнь – Балдарды коргоонун эл аралык күнүнө карата Барпы айыл аймагындагы мектепке чейинки билим берүү уюмдарында тарбияланып жаткан балдар үчүн майрамдык иш-чаралар өткөрүлүп, аларга атайын белектер тапшырылды.

Бул күндүн алкагында бөбөктөргө өзгөчө көңүл бурулуп, алардын көңүлүн көтөрүүгө, майрамдык маанай тартуулоого жана балдарга болгон камкордукту күчөтүүгө багытталган иш-чаралар уюштурулду.

Майрамдык иш-чаралардын жүрүшүндө балдарга белектер берилип, жакшы каалоо-тилектер айтылды. Ошондой эле балдардын ден соолугу, коопсуздугу, сапаттуу тарбия жана билим алуусу коомдун жана мамлекеттик органдардын негизги артыкчылыктуу багыттарынын бири экени белгиленди.

Мектепке чейинки билим берүү уюмдарында тарбияланып жаткан бөбөктөр үчүн мындай иш-чаралар алардын майрамдык маанайын көтөрүп, жагымдуу таасир калтыруу менен бирге, балдарга болгон мээримди жана камкордукту дагы бир ирет көрсөттү.

Барпы айыл өкмөтү бардык балдарды 1-июнь – Балдарды коргоонун эл аралык күнү менен куттуктап, аларга бекем ден соолук, бактылуу балалык, жаркын келечек жана окууда ийгиликтерди каалайт.