Барпы айыл аймагында айлана-чөйрөнүн тазалыгын камсыз кылуу, калктуу конуштарды көрктөндүрүү жана жашылдандыруу максатында республикалык деңгээлдеги кезектеги ишембилик өткөрүлдү.

Ишембиликке Барпы айыл өкмөтүнүн кызматкерлери, айыл аймагындагы мекеме-ишканалардын өкүлдөрү жана жергиликтүү тургундар активдүү катышып, аймакты тазалоо жана көрктөндүрүү иштерине өз салымдарын кошушту.

Иш-чаранын жүрүшүндө Ош–Бишкек унаа жолунун жээктери, айыл ичиндеги көчөлөр жана коомдук жайлар таштандылардан тазаланды. Топтолгон таштандылар белгиленген тартипте чыгарылып, аймактардын санитардык абалын жакшыртуу боюнча тиешелүү иштер жүргүзүлдү.

Мындан тышкары, көрктөндүрүү жана жашылдандыруу иштерине да өзгөчө көңүл бурулду. Айрым аймактарда дарактар акталып, жаңы көчөттөр отургузулду. Бул иштер айылдардын көркүн жакшыртуу менен катар, экологиялык абалды чыңдоого жана жашыл аймактарды көбөйтүүгө багытталды.

Мындай ишембиликтер айлана-чөйрөгө жоопкерчилик менен мамиле кылуу маданиятын калыптандырууда, коомдук жайларды таза кармоодо жана жергиликтүү тургундардын биргелешкен аракетин күчөтүүдө маанилүү роль ойнойт.

Барпы айыл өкмөтү жергиликтүү тургундарды тазалыкты сактоого, коомдук жайларга аяр мамиле кылууга жана аймакты көрктөндүрүү иштерине активдүү катышууга чакырат.

Айыл аймагын тазалоо, көрктөндүрүү жана жашылдандыруу багытындагы иштер мындан ары да системалуу түрдө улантылат.