Кыргыз Республикасынын Илим, жогорку билим берүү жана инновациялар министрлигине караштуу Интеллектуалдык менчиктин мамлекеттик фонду тарабынан «KEL Start» инновациялык долбоорлордун жана стартаптардын улуттук конкурсу өткөрүлүүдө.

Конкурстун негизги максаты — инновациялык ишкердикти стимулдаштыруу, стартап-экосистеманы өнүктүрүү жана Кыргыз Республикасынын туруктуу социалдык-экономикалык өнүгүүсүнө өбөлгө түзүүчү келечектүү долбоорлорду колдоо.

Кимдер катыша алат?

Конкурска инновациялык долбоорлору жана стартап-идеялары бар:

• жеке ишкерлер;
• юридикалык жактар;
• Кыргыз Республикасынын жарандары;
• башка жеке жактар катыша алышат.

Финансылык колдоо

Конкурстун жеңүүчүлөрүнө долбоорлорун ишке ашыруу үчүн кайтарымсыз финансылык жардам көрсөтүү каралган:

Инновациялык долбоорлорго — 2 000 000 сомго чейин;

Стартаптарды колдоого — 1 000 000 сомго чейин.

Инновациялык идеясы же келечектүү долбоору бар жарандарды жана ишкерлерди «KEL Start» улуттук конкурсуна активдүү катышууга чакырабыз.